ایساقانون جس کے تحت پنجاب ووکیشنل ٹریننگ کونسل کاقیام عمل میں آیا ۔

1. یہ قانو ن پنجاب ووکیشنل ٹریننگ کونسل ایکٹ 1998ء سے موسو م ہے۔
2. یہ فور ی طور پر نافذالعمل ہوگا۔

1. حکومت بذریعہ حکم نامہ ایک کونسل کا قیام عمل میں لائے گی جو پنجاب ووکیشنل ٹریننگ کونسل سے موسوم ہوگی ۔
2. کونسل ایک کارپوریٹ باڈی ہوگی جو دائمی تسلسل اور ذاتی مہر کے ساتھ حصولِ و قبضہ جائدامیں با اختیار ہو گی اوراسی نام سے دائری و مستوجب نالش ہوگی۔

1. کونسل کے اراکین کی تعداد سات (07)سے کم اور پندرہ (15)سے زیادہ نہ ہوگی۔
2. کونسل کے تین اراکین بلحاظ عہدہ سرکار کے محکمہ جات مال ،زکوۃ و عشر اور تعلیم کے سیکریٹریز ہوں گے اور باقی اراکین نجی شعبہ سے ایسے نامور افراد ہوں گے جن کا تعلق زراعت، زراعت پہ مبنی صنعت یا صنعت یا کسی پیشہ (پروفیشن )سے ہو، بشرطیکہ زراعت اورزراعت پہ مبنی صنعت سے تعلق رکھنے والے اراکین کونسل کی تعداد اراکین کی کل تعداد کے 25%سے کم نہ ہو ۔
3. درج بالا کے علاوہ کونسل دیگر افراد کو شامل کر سکتی ہے جن کی تعداد چار سے زیادہ نہ ہو ۔
4. حکومت اپنی طے کردہ شرائط و ضوابط پر اراکین میں سے ایک کو کونسل کا چیئر مین تعینات کرے گی۔
5. چیئرمین نجی شعبہ سے ایک ایسا نامور شخص ہوگا جس کا تعلق زراعت، رزاعت پہ مبنی صنعت یا صنعت یا کسی پیشہ(پروفیشن) سے ہو۔
6. چیئرمین کے عہدہ کے لیے میعاد پانچ سال جبکہ اراکین کے عہد ہ کی میعاد تین سال ہوگی۔
7. حکومت تحریری وجوہات لکھ کر کسی بھی وقت چیئرمین کو عہدہ سے بر طر ف کر سکتی ہے ۔
8. حکومت چیئرمین کی سفارش پرکوآپٹد رکن کے علاوہ کسی بھی رکن کو بر طرف کر سکتی ہے۔
9. حکومت کے محکمہ زکوۃ و عشر کا سیکریٹری کونسل کا سیکریٹری /رکن ہوگا۔
10. کونسل کسی بھی وقت کوآپٹدرکن کو برطرف کر سکتی ہے۔

1. کونسل ووکیشنل ٹریننگ انسٹی ٹیوٹس کا قیام و انتظام کرے گی ؛اور
2. ان انسٹی ٹیوٹس سے متعلق دیگر تمام امور انجام دے گی جو قوائد میں تجویز کیے گئے ہوں

1. کونسل اپنے اختیارات ، فرائض اور امور میں سے کچھ چیئرمین ، کونسل کے آفیسر ، بورڈ یا کسی انسٹی ٹیوٹ کے پر نسپل کو تفویض کر سکتی ہے۔
2. چیئرمین اپنے اختیارات میں سے کچھ کونسل کے آفیسر ، یا کسی انسٹی ٹیوٹ کے پرنسپل کو تفویض کر سکتا ہے

1. ووکیشنل ٹریننگ کونسل فنڈ کے نام سے کونسل کا ایک فنڈ قائم کیاجائے گا جو کونسل کے اختیار میں ہو گا اور جس میں تمام رقوم جو کونسل وصول کرے، جمع کیے جائیں گے۔
2. کونسل فنڈ کو اس طرز پر رکھا جائے گا اور اس کا استعمال اور انتظام اس طرز پر کیا جائے گا جیسا رولز تجویز کریں ۔
3. حکومت کونسل کو اس کے سیکریٹریٹ اور دیگر ضروری و متعلقہ اخراجات کے لیے فنڈز فراہم کرے گی۔